Os videos de Youtube, Google, etc

En Internet podes atopar un montón de páxinas que conteñen vídeos. A máis famosa é Youtube pero hai mais. Busca outros sitios onde atopar videos.
Son unha boa fonte de imaxes de todos os tipos, pero só podes velos na pantalla dun ordenador que está conectado á rede.
Sería interesante poder gardar os vídeos que che gustan para velos nun DVD, nun VCD, na PSP ou no móbil ¿non si? Pois si, é posible.
Busca información sobre como podes facer para velos en Alta Calidade, para gardalos, e para transformalos. Utilizando ferramentas legais e gratuitas. Ten moito cuidado, porque algunha das ferramentas que aparecen ao buscar son en realidade fonte de virus e troianos moi difíciles de desactivar.

Con todo o que averigües, fai un resumo, con enlaces e exemplos e envíamo a cursoimo@gmail.com

Fotografías

Supoño que sabes que é unha fotografía dixital.

O móvil, a cámara, a PDA son ferramentas para tomar fotos dixitais.
Cando compras unha cámara ou un móvil falaránche de CCD, de megapíxeles, de formatos de almacenamento, de resolución, de calidades.

Busca información sobre o que é o sensor CCD, que é un pixel, un Megapixel, os diferentes formatos de almacenamento de fotografías dixitáis (JPEG, TIFF, RAW) e fai un resumo que calquera dos teus compañeir@s poda comprender. Elabora un informe sobre unha cámara fotográfica dixital que che pareza boa (non copies a d@ compañeir@) e busca diferentes prezos en tendas de Internet e aconsella onde está mellor de prezo.

Xa sabes, como sempre, correo a cursoimo@gmail.com

Software

Busca a definición de software de código aberto, software libre ou open source software.
É o mesmo que o software propietario?
Elabora unha lista do software propietario máis coñecido e utilizado (suite ofimática, cliente de correo, navegador de Internet, cliente de mensaxería instantánea, lector de arquivos pdf, cliente de noticias, cliente de podcast, reproductor multimedia, editor de fotografía, programa de dibuxo,editor de sons, editor de vídeo, conversor (ripper) de vídeo, grabador de CD's-DVD's, etc.) A continuación fai unha lista coas equivalencias en software libre.
Unha vez elaborada envíaa por mail a cursoimo@gmail.com

As consolas portátiles e a wifi

Busca información sobre que consolas portátiles poden conectarse a Internet por wi-fi e como tes que facer para poder navegar coa túa nunha rede deste tipo.
Podes conectarte á wi-fi do centro? que precisas saber?, e a wi-fi da Biblioteca pública?

Fai un esforzo de comunicación e envíamo nun correo a cursoimo@gmail.com

Explica como podes usar o teu móbil como modem para conectar un pc portátil a Internet por medio de Bluetooth.

Fai un esforzo de comunicación e envíamo nun correo a cursoimo@gmail.com

Acceso a redes

Busca información sobre os seguintes conceptos: Bluetooth, WIFI, Wimax, 3G (UMTS), GSM, GPRS,3.5G.
Elabora un correo coa información que obteñas, coa relación que hai entre os diferentes conceptos, vantaxes, inconvintes, puntos a favor e en contra de cada un e envía un correo con todo a cursoimo@gmail.com Pon como asunto "acceso a redes"

As TCI, que son? para que serven?

Busca información no web (xa sabes wikipedia, google e familia) sobre que son as TCI (Tecnoloxías da Información e a Comunicación). Tamén chamadas TIC, e, en inglés ICT (Information & Communication Technologies).
Elabora un resumo de utilidades, ferramentas, vantaxes e inconvintes. Non esquezas que non só son as tecnoloxías de informática, estan a TV, a prensa, a radio, etc...
Cando o teñas todo mandao por correo a cursoimo@gmail.com